اقص الراس قدامك ولاخضع لاشكالك

جبرك الوقت ترجعلي جبرك وجيتني ندمان

دمرك الشوق يا خاين وجيت تسابق ظلالك

عرفت الصدق بغيابي وعرفت انك معي غلطان
تاكد ما يشرفني طريق دربه وصالك

تبيني اخضع لجل عينك وانا ما اخضع ومهما كان
اقص الراس قدامك ولا اخضع لأشكالك


لعبت بحسبة جروحي وكتبت من الحزن عنوان
ونسيت اللي يودك بيوم وصار الغير يحلالك


اذاغيري يبي قربك وصرت فبحره الغرقان

نصيحه لا يموت الحب ومن قلبي هنيالك


تشب النار في قلبي وتنسى اني معك انسان

تخالط بالشقى هيلك وصب الهم فنجالك


بعد ما انقلبت الدنيا تجيني محترق ولهان

وتقول ارجوك سامحني ووعد مني ابوفي ك!!


تبي قربي انا حاظر ولكن بطلبك من شان

تشوف شلون لي عزه ترد الجرح لامثالك


أبي تبكي على شاني وابي تصرخ من الحرمان

ولو اني بآخر الدنيا ابسمع صوت موالك


ابيك تصير مجنوني ومن شافك يجي شفقان

يقول شلون علمني وش اللي غير احوالك؟


تدل الدرب من دوني وقدمك سكة الأحزان

توكل لا تناديني ويعينك الله على حالك


وانا يكفيني ذليتك وحديتك على الهجران

تقول الموت من بعدك واقول هنااااك اشوالك

غسلت ايديني من قربك وبرحل واهجرك يافلان
فمان الله وباقيلك نصيحه خلها فبالك


ترى من يضحك الاول مصيره فاللعب خسران
وانا من يضحك الثاني عشان احطم آمالك
.......